Main uske liye bas ek just friend ki tarah tha,

Uske headphones ki replacement ki tarah tha,

Usko safar me time kaatne ko koi baat karne wala chahiye tha,

Mujhme usko aisa waisa koi interest winterest nahi tha

Par usse meri sirf hyy,hello wali baate hi nahi hoti thi,

Mujhe aisa lag rha tha woh apni saari personal baate share karti thi,

Main sirf isko just friend wala relationship kaise mann leta,

Par woh sirf just friend,just friend, ki hi ratt laga rahi thi.

Main bhi apne dil se roz kehta tha ki use friend ki nazar se hi dekha karu,

Par uski smile hi itni kaatil thi ki bas dil se ek hi reply aata tha,

Bro its impossible.

Woh jab aati thi toh uske chahre ke glow se mera chehra glow karne lagta tha,

Woh pure din itni fresh fresh kaise rehti thi,

Uski wajah se main bhi taaza dikhne lagta tha.

Woh baithti toh apne friend ke sath thi par main apni crush ke sath baithta tha.

Mera dil ander hi ander machalta rehta aur usko koi fark hi nahi padta tha.

Mere age ke logo ko woh bhaiya kehke bulati thi,

Main bhi usse ek saal hi bada tha,

Fir mujhe mera naam leke kyu pukarti thi.

Par iss friend friend ke tag se me khush nahi tha,

Koi ladki mere itne qareeb aayi thi toh mujhe laga ye mauka tha,

Jyada himmat karke maine usse healthy flirt karna chalu kar diya tha,

And guess what happen ?

Woh gussa bhi nahi hui,

Use bura bhi nahi laga,

& i thought ki ye kaam kar gaya.

Woh meri baato me ab zyada muskurati thi,

Aur mujhe pagal bhi kehti thi,

Toh ab just friend ki level pe ab ye boht badi progress thi,

Main chahta tha ki woh bhi wohi feel kare jo main uske liye feel karta hu,

Mere bhagwan meri itni si toh wish thi.

Ab jab me uska hath pakad leta tha toh usko zara bhi ajeeb nahi lagta tha,

Ab mere mann me bhi ek baat aane lagi thi ki main uske liye sirf just friend toh nahi ho sakta tha.

Usko bhi toh ander se kuch feel ho raha hoga,

Mujhse kuch kehne ka uska mann bhi zeel ho raha hoga,

Issi suspence ne meri exitement badha rakhi thi ki kab meri crush meri girlfriend me badlegi.

Aur woh hints dene ke maamle me toh superb thi,

Jab uska achanak se mann hua ki woh mere muh se koi non-veg joke sune,

Bahar se main sharma raha tha par ander hi ander exited tha ki konse badhiya waale jokes mujhe uss wakt yaad the.

Main usse ab iss level ki baato mein pohunch gaya tha ki jo ab aam nahi thi,

Ab main usse thodi durr bhi chala jaata toh woh khud hi mere paas aa jaati thi,

Aur ab koi kaise keh sakta tha ki woh mujhme interest nahi thi.

Ab uske aur mere charche thode mashoor ho gaye the,

Auro ki nazar me hum relationship me aa gaye the,

Par woh ab bhi uss baat par stick thi ki hum just friends the.

Nahi,

Aisa toh nahi ho sakta tha,

Fir maine khud ji dimaag lagaya ki shayad woh duniya ko nahi batana chahti hogi,

Par ander hi ander mujhe chahti hogi.

Ladkiyon ki funde toh waise bhi mere sar ke upar se jaate hai,

Toh maine socha kyon na isse secret relation ka naam dete hai.

Par maine abhi tak usse apni dil ki baat kahi nahi thi,

Kya karta koi perfect timing hi nahi milti thi,

Par ye dosti uss mukaam tak pohunch gayi thi ki mujhe yakeen tha ki woh mere proposal pe haan hi karegi.

Main ab khush rehne laga tha,

Humesha smile karta rehta tha,

Usko ab seriously dil se chahta tha,

Ye sab kuch upar upar se nahi tha.

Woh indication deti rehti thi aur mera confidence badhta rehta tha,

Aur puri raat bas yehi sochta rehta tha ki ab kal toh use propose kar hi dunga.

Toh mene bhi ek date final kardi ki jo hoga issi din hoga,

And finally woh date boht jaldi aa gayi,

Kyuki mujhse intezaar hi nahi ho rha tha.

Do choclates rakhli thi maine use pyaar se khilaane ko,

Unn choclates se hi meri jeb khali ho gayi thi,

But kaafi tha impression jamane ko.

Puri practice,

Puri rehearsal karke thik thak,

Jaa hi raha tha uske pass ki nazar padi,

Koi aur tha uske pass.

Diwaar ke kone pe woh dono khade the,

Jaha jagah bhi nahi thi do logo ke khade hone ki,

Par maine bhi apne dil ko samjhaya ki woh koi dost bhi toh ho sakta hai,

Itni jaldi bhi kya hai tootne ki.

Toh main unke pass gaya aur ek side main khada ho kar unki baate sunne ki koshish kari,

Shayad woh jo ladka tha naa uska birthday tha,

Aur woh jo gift kar rahi thi woh badi hi expensive thi.

Mere jeb me choclate padi pafi pighalne lagi,

Par woh jiski wajah se pighal rahi thi,

Woh thi kahi aur khadi.

Unki baate sunn kar lag toh raha tha ki woh sirf dost toh nahi tha,

Kyuki unki saari baate romantic type ki thi,

Aur woh Baby Baby karke ro rahi thi.

Aankh me aansu liye me waha se chala gaya,

Kyuki woh toh bas usse gale milne me busy thi,

Woh choclate rakh kar padi padi kab pighal gayi pata nahi chala,

Mujhe ab bas itna maloom tha ki ab mujhe usse attraction nahi pyaar ho gaya tha.

Set life upset ho gayi,

Eyes thodi si wet ho gayi,

Woh mere itne close ho kar,

Kisi aur se set ho gayi.

Pehli baaritni khusi ki wajah mere zindagi mein aane wali thi,

Par qismat bhi meri aisi nikli ki ye bhi sabki tarah commited nikli.

Usne indications bhi toh aise diye ki woh mujhme interested thi,

Par galti bhi toh uski thi ki kabhi usne bataya hi nahi ki woh commited thi.

Meri jo bhi koi exitement thi aaj unn sab ka end ho gaya tha,

Main uska just friend tha naa,

Just friend hi reh gaya tha. 

             Thankyou🙏